തുടല്‍ പൊട്ടിച്ചെറിയുന്നു മനസിലെ
മഹാ ദുഃഖത്തിന്‍ ഐരാവതം
നൈരാശ്യത്തിന്റെ കണ്ണുനീര്‍
ചോരത്തുള്ളിയായി ചിതറിയ
എന്‍ ജീവിതം ഈ ഇരുണ്ട
യുദ്ധ ഭൂവില്‍ അവന്‍
മദിച്ചു നടപ്പൂ എല്ലാം കാല്‍
ചുവട്ടില്‍ഞെരിച്ചു..
കഠിന പാദങ്ങളില്‍ഞെരിഞ്ഞമര്‍ന്നൂ
എന്‍റെ സ്വപ്‌നങ്ങലും പാഴ്ചിന്തകളും
വ്യര്‍ഥസ്വപ്ങ്ങള്‍കൂടൊരുക്കിയ
ഒരു പെണ്‍കൊടി തന്‍വിരഹവും
എല്ലാം കീഴടക്കി മഹാമേരുവായി
നീ നീങ്ങുക ഈ ദൂരങ്ങളില്‍അജയനായി
ഒടുവില്‍ ഞാനേത്തിടാം
ഒരു പാഴ് ജന്മത്തിന്‍ മാറാപ്പുമായി
ഞെരിച്ചമര്‍ത്തുക ഈ ആത്മാവിനെ
മരണത്തില്‍അഭയം തേടുന്ന പാഴ് ജന്മത്തെ
